Trajtimi endodontik i kanaleve te veshtira- Moduli I date 01 Tetor – 01 Nentor 2026

Trajnim Online per Profesionistet e Mjekesise

“ Trajtimi endodontik i kanaleve te veshtira- Moduli I” 

 (01 Tetor – 01 Nentor 2026)

Ky aktivitet organizohet nga Qendra e Trajnimit Profesional Mjekesor Santa Maria” nepermjet Portalit Mjekesor omi.al

(Online Medical Information)

Qellimi i aktivitetit

Qëllimi i aktivitetit është t’u japë mjekëve dentistë njohuritë dhe aftësitë praktike për diagnostikimin, planifikimin dhe menaxhimin klinik të kanaleve endodontike të vështira. Në përfundim, pjesëmarrësit do të jenë në gjendje ta zbatojnë këtë njohuri në praktikë, duke rritur suksesin e trajtimeve dhe reduktuar rastet e dështimit.

Objektivat e aktivitetit

Objektiva të lidhur me njohuritë e profesionistëve:

Në përfundim të trajnimit, pjesëmarrësit do të njohin:

• Anatominë komplekse të sistemit të kanaleve dhe klasifikimin sipas Vertucci;
• Kriteret e klasifikimit të kanaleve të vështira (faktorët anatomikë, patologjikë, iatrogjenë);
• Protokollin klinik hap pas hapi dhe parimet e diagnostikimit me CBCT;
• Sistemet moderne të instrumenteve NiTi dhe menaxhimin e komplikacioneve klinike.

Objektiva të lidhur me aftësitë e profesionistëve:

Në përfundim, pjesëmarrësit do të jenë në gjendje të lokalizojnë dhe të instrumentojnë me siguri kanale komplekse (të kurbëzuara, të kalcifikuara, me MB2), duke zbatuar teknikat e glide path-it, irrigimit dhe obturimit sipas protokollit të strukturuar. Gjithashtu, do të fitojnë aftësinë për të menaxhuar klinikisht komplikacione si ledge, perforime apo instrumente të frakturuar, dhe për të vendosur në kohë kur një rast kërkon referim te specialisti.

Objektiva të lidhur me qëndrimet e profesionistëve:

Pjesëmarrësit do të zhvillojnë një qasje më sistematike dhe të kujdesshme ndaj rasteve komplekse, në vend të improvizimit rast pas rasti. Do të rrisin gatishmërinë për të konsultuar teknologji shtesë (CBCT, mikroskop) kur rasti e kërkon. Gjithashtu, do të pranojnë referimin në kohë te specialisti si pjesë e praktikës së mirë klinike, jo si dobësi profesionale.

Kategoria kryesore e profesionistëve pjesëmarrës në aktivitet, për të cilët është përgatitur aktiviteti:

Ky trajnim eshte ne proces akreditimi nga ASCK.

Kategoria: Mjeke Stomatologe.

Ne menyre qe profesionistet te perfitojne kreditet duhet qe te plotesojne nje test.

Testi eshte i perbere nga 10 pyetje. Pyetjet jane ne forme quizi ku pergjigjja e sakte eshte vetem 1.

Per te perfituar kreditet ju duhet te merrni 70 % e siper te testit. Testi do behet i aksesueshem nga pjesemarresit ne datat e trajnimit

  (01 Tetor – 01 Nentor 2026)

Ju lutem merrni kohen e duhur per studimin e materialit dhe plotesimin e testit.

Suksese dhe pune te mbare!

Qendra e Trajnimit Santa Maria nuk ka asnje lidhje financiare me asnje pale te interesit komercial.

Ne trajnim nuk eshte perdorur asnje material me qellim promovues apo per reklamim.